BUTUAN CITY – Blangko pa ang Butuan City government sa paagi sa taga-Salvador Calo Public Market pag-trace niadtong mga mamalitay nga duna’y close contact sa mga nagpositibo sa COVID-19 ilabina kadtong nakasulod sa maong merkado sa mi-aging mga adlaw.
Sigon ni Michiko de Jesus sa pakighinabi sa Bombo Radyo Butuan, wala pa’y nasubmite nga listahan sa mga pangalan ang kadumalahan sa maong merkado ngadto kanila.
Tungod niini, nanawagan na lang siya sa mga hingtungdang suki sa maong merkado nga nakasulod dinhi ning nakalabay’ng mga adlaw ilabina og duna na’y gibating simtomas sa COVID-19 nga makig-alayon na sa ilang Barangay Health Emergency Response Team kon BHERT aron sila ma-atiman.
Aminado usab si de Jesus nga daghang nga factors nga malantaw sa padayong pagsaka sa local transmission sa COVID-19 cases ning siyudad.
Apil niini ang community transmission kondiin lak-ab lak-ab matud pa ang mga lugar nga duna’y natalang local tranmission rason nga duna’y mga kasong ma-trace sa ilang contact tracing team ug duna usa’y mga dili ma-trace.
