BUTUAN CITY – Libuang mga frontline healthcare providers ug mga highly skilled nga researchers sa Estados Unidos ang nangita ug modawat og trabaho sa Canada tungod sa mga political tensions ug pagputol sa pondo sa ilang nasod.
Kini ilabina nga ang mga doktor ug nurse sa U.S. ang nag-atubang og pagkunhod sa public services ilawom sa administrasyon ni Donald Trump ug nagpadayag og kabalaka bahin sa bag-ong abortion restrictions ug mga ban sa daghang estado.
Sigon sa probinsya sa British Columbia, naghatag sila og mas maayong oportunidad nga naka-engganyo og liboang job inquiries pinaagi sa usa ka targeted recruitment program.
Sa Toronto, ang mga lider sa pinakadakong ospital sa siyudad nagdani usab og mga batan-ong US-trained medical researchers, samtang ang mga siyentista sa mga institusyon sa Amerika dismayado sa dako nga pagputol sa federal funding alang sa research ug mga political nga aksyon batok sa gitawag nilang “woke ideologies” sa mga unibersidad.
