BUTUAN CITY – Kumpyansa si Pangulong Ferdinand Marcos Jr. nga subling mukusog ang ekonomiya sa nasud pinaagi sa agresibong pagbubo og puhunan, pag-awhag og mga bag-ong investors ug pagpatuman og mga bag-ong insentibo sa negosyo.
Sigon sa Pangulo, nag-unang bantayan sa kagamhanan ang hulga sa “stagflation” kansa mao ang dungan nga paghinay sa ekonomiya ug pagtaas sa presyo sa mga palaliton.
Sigon sa pangulo, aron mabatukan kini, gipa-paspasan sa gobyerno ang paggasto sa mga pampublikong proyekto ug naglusad og mga lakang aron makunhuran ang inflation.
Apil sa mga direktang tabang nga gipanghatag karon mao ang mga subsidiya ug fuel discounts alang sa sektor sa transportasyon.
Tutukan usab sa kagamhanan ang pagpangita o mga bag-ong paagi aron suportahan ang mga Micro, Small and Medium Enterprises (MSMEs) sa ingon mapabiling lig-on ang nasud batuk sa epekto sa world oil crisis.
