BUTUAN CITY – Nakatala og Guinness World Record mga tawo sa Mexico atol sa 13th annual Avocado Festival didto sa Tancítaro, pinaagi sa nahimo nilang 14,991-libras nga serving sa guacamole – usa ka sawsawan nga kasagarang gihimo gikan sa dinugmok nga avocado.
Apil sa mga sagol niini ang kamatis, sibuyas, kalamansi o kaha lime o lemon juice, asin ug sili ug kini ang nu-nuan sa mga chips o kaha ipalaman sa sandwich, burger, taco, o partner sa uban pang pagkaon. Ang lasa niini creamy ug duna’y butter ug lami kini tungod sa avocado.
Ang record attempt, gi-organisa sa Local Plant Health Board sa Tancítaro, nag-feature sa 1,000 ka mga local growers ug mga residente nga nagtinabangay pagsagol nini sulod sa duha ka oras ug tunga, diha sa usa ka dakong bowl.
Nalabwan nila ang kanhi record nga 10,961-libras nga natala sa Peribán, Mexico,niadtong tuig 2022.
