BUTUAN CITY- Ming-abot na sa Shenzhen, China si Russian President Vladimir Putin sa may alas-2:00 sa kalawon local time, base sa taho sa Chinese state media.
Init nga gisugat ang Presidente sa Russia ni Cai Qi, ang ika-lima nga pinakataas nga opisyal sa Chinese Communist Party ug de facto chief of staff ni Chinese President Xi Jinping, dungan sa pagmartsa sa mga tropang Tsino ug pagperform sa mga manayaway sa red carpet sa tarmac.
Gikatakdang motabong si Putin sa gihuwatang aktibidad sa APEC summit, usa ka makasaysayang trilateral meeting kauban sila US President Donald Trump ug Chinese President Xi Jinping.
Samtang kasamtangang ania sa Pilipinas si Trump alang sa unang hugna sa high-profile trip niini sa Asya.
Sa mga gipagawas nga hulagway, makita nga nakigmeeting ang Presidente sa Estados Unidos nila Indian Prime Minister Narendra Modi, Australian Prime Minister Anthony Albanese, ug Japanese Prime Minister Sanae Takaichi.
Gilaomang magpukos ang maong mga panagtigom sa mga hisgutanang pang-seguridad, pamatigayon ug kalig-on sa rehiyon sa Indo-Pacific.












