BUTUAN CITY- Girekomenda sa Field Investigation Bureau sa Ombudsman ang pagpasaka og kasong plunder ug indirect bribery batok kang Sen. Rodante Marcoleta human kini mingdawat matud pa og P75 million isip campaign donations niadtong mi-aging.
Base sa complaint-affidavit nga gipirmahan niadtong Mayo 18, gusto sa mga imbestigador nga kasuhan si Marcoleta og plunder kauban si kanhi Quezon City 2nd District Rep. Mike Defensor ug duha pa ka indibidwal nga minghatag og donasyon sa senador.
Ang rekomendasyon parte sa mas halapad nga imbestigasyon sa Ombudsman kalabot sa paggamit og campaign funds ug posibleng pagsupak sa balaod batok sa korapsyon.
Sa pagkakaron, wala wala pay pamahayag gikan sa kampo ni Marcoleta kalabot sa maong reklamo. Ingn man ang ubang nalambigit nga indibidwal wala pa-gihapoy gi-public nga mga pamahayag.
Ang kasong plunder usa sa pinakabug-at nga kasong kriminal ubos sa balaod nga adunay silot nga pagkapriso sa tibuok kinabuhi kon mapamatud-an nga sad-an.
Walay gitakda usab niini nga piyansa alang sa temporaryong kagawasan.
Ang bribery usab nagtumbk sa ilegal nga pagdawat og pabor o kawarta bugti sa impluwensiya o gahom.
