BUTUAN CITY- Masinati na karung adlawa ang laeng hugna na usab sa pagsaka sa presyo sa mga produktong petrolyo. Sumala sa Department of Energy (DOE), ang gasolina adunay pag-usbaw og P1.60 matag litro, ang diesel ngadto sa P1.96 nga pagsaka matag lito, ug ingon man ang kerosene P1.45 nga pagsaka matag litro.
Ang maong pagsakai mao na ang ikalima nga sunod-sunod nga semana nga misaka ang presyo sa gasolina ug ikaduha alang sa diesel. Sigon sa DOE, nga ang nasud adunay fuel inventory nga igo lamang sa 44.82 ka adlaw, mas ubos kumpara sa 45.33 ka adlaw nga supply sa miaging semana.
Ang breakdown nagpakita nga ang gasolina molungtad og 45.87 ka adlaw, diesel og 41.07 ka adlaw, kerosene og 138.93 ka adlaw, jet fuel og 66.41 ka adlaw, fuel oil og 47.17 ka adlaw, ug LPG og 41.49 ka adlaw.
