BUTUAN CITY- Bisan paman sa pagkumpirma ni Sen. Risa Hontiveros nga audnay panaghisgot ug pglihok sa pipila ka senador kalabot sa posibilidad nga adunay pagbag-o sa liderato sa Senado, pakyas gihapon ang minorya nga makamugna og igo nga ihap alang sa ilang grupo. Sa usa ka Press conference sigon ni Hontiveros, nga nag nakita niyang hinungdan kung nganong wala nadayon ang negosasyon sa mga panaghisgot mao ang kagustohan sa ilang hanay nga makamugna og minorya nga adunay panaghi-usa, maayo nga panag-uban ug usa ka direksyon sa pagpangulo sa Senado.
Sa pagkakaron sigon ni Hontiveros nga nagpabiling lig-on ang ilang grupo nga gimugna og 11 ka sendor. Dugang pa niini nga mas nakafukos sila karun sa pagpabalik sa pagsalig sa katawhan sa Senado, lakip na ang pagduso og mga balaod, pagbantay sa national budget ug pagpangandam alang sa nagkaduol nga impeachment trial batok kang Vice President Sara Duterte.
Gi-angkon usab ni Hontiveros nga anaa sa worst situation matud pa karun ang Senado tungod sa mga kontrobersiya ug mga inisdente nga nahitabo niadtong miaging simana. Tugod niini, sumala sa Senadora nga kinahanglan nilang tarungon ang ilang trabaho aron makuha pag-usab ang pagsalig ug respeto sa katawhan sa institution. Usa sa nakita matud pa niining lakang mao ang pagpadayon sa imbestigasyon sa natigayong pinusilay sulod sa Senado.
Bisan paman nga gi-ila nila ang gihimong fact finding investigations sa Department of Justice, gibutyag niining posible usab nga mohimo og kaugalingong imbestigasyon ang Senado aron nga matapok ang tanang ebidensay ug masuta kung si kinsa ang tinuod nga responsable sa insidente. Dugang pa ni Hontiveros, tanang Senador adunay tulobagon sa pagkawala sa pagsalig sa publiko sa Senado tungod sila ang mingmugna sa institution. Kinahanglan usab matud pa nga klaro sa bisan unsang ibestigasyon o adunay mas dakong tulobagon si Senate President Alan Peter Cayetano kalabot sa nahitabong pinusilay sulod sa Senado. Sigon niini, dili kinahanglang pugngan ang unsa mang imbestigasyon aron mogawas ang tibuok kamatuoran.
