BUTUAN CITY – Hugot ang pagmonitor sa lokal nga kagamhanan sa Cabadbaran City sa programang libreng sakay.
Sigon ni Roselyn Exaure, tigpamaba sa Cabadbaran City Government nga unom ka bulan na ang nasangpit nga programa nga gituyo aron makaserbisyo sa katawhan ning panahon sa krises tungod sa kamahal sa gasolina.
Tungod sa ilang hugot nga pagmonitor, dunay usa ka driver nga ilang napatawag human sa reklamo sa pasahero nga matud pa gisuktan siya og plete bisan pag dunay nakabutang nag tarpaulin sa iyang sakyanan nga Libreng Sakay.
Gi-angkon usab kini sa drayber dayung pagpasabot nga wala pa sa oras sa pagserbisyu sa libreng sakay sa dihang siya nanukot.
Apan sumala pa ni Exaure, sayop gihapon kini sa drayber tungod kay wala man niya gitangtang ang tarpaulin.
Samtang dunay namonitor usab nga mihimo sa Libreng sakay apan mga sugnod nga kahoy ang karga. Isip tubag sa kagamhanan, wala matud pa sila mihimo og penalidad apan gipasulat nila ang mga driver nga dili na mousab sa ilang nahimong kalapasan.
Apan gipaneguro sa opisyal nga kung mousab man, posibling ma-revoke ang rehistro sa ilang tricycle og dili pa sila maka-benepisyo sa ihatag sa gobyerno alang sa mga drivers.
