BUTUAN CITY – Gipa-ilalom na sa mugshot ug medical process ang station manager sa Radio Mindanao Network kon RMN DXBC Butuan nga si Ramil Bangues human kini nadakpan dihang nalutsan og warrant of arrest sa kasong cyber crime violation nga iyang gi-atubang.
Nadakpan si Bangues kaganinang alas-11:55 sa sayong udto base na sa warrant of arrest nga gi-serve didto mismong sa maong radio station.
Sa eksklusibong pakighinabi sa Bombo Radyo Butuan, gipadayag ni PLt. Abel Bulawan, nga nadakpan si Bangues sa kasong paglapas Republic Act 10175 kon Cyber Crime Prevention Act of 2012 nga gi-isyu sa RTC, Branch 33 ni Judge Isah Echem-Tangonan nga duna’y girekomendang pyansa balor 80-mil pesos.
Human sa booking ug medical process, ibalik siya sa issuing court ug mamahimo na dayon kining makapyansa kung tinguha niini ang pag-angkon og temporaryong kagawasan.
