BUTUAN CITY – Gidala na sa Agusan del Sur Provincial Crime Laboratory Office alang sa screening ug confirmatory testing ang nalarot nga mga gitanom nga marijuana nga gibana-banang nagkandtidad og un-milyunes, 45-mil pesos didto sa Brgy. Kasapa 1, lungsod sa Loreto, Agusan del Sur kagahapon sa buntag.
Sigon ni PBGEN Joselito Esquivel, Jr. regional director sa Police Regional Office kon PRO-13, ang operatiba sa Loreto Municipal Police Station, Agusan del Sur Police Provincial Office, Agusan del Sur Provincial Mobile Force Company ug 1303rd Regional Mobile Force Company nagbaktas pa og 20-oras gikan sa Tactical Command Post sa Valentina Patrol Base sa lungsod sa La Paz, adiser naka-abot sa maong lugar pasado alas-dies sa buntag.
Gibutyag usab ni Police Staff Master Sergeant kon PSMS Zena Panaligan sa Public Information Office sa PRO-13, mitimbang ang ilang na-ibot nga mga marijuana plants og 19 kilograms. Kadaghanan sa mga niini ang gipangsunog na lang sa nasangpit nga lugar samtang nagdala na lamang sila og pipila ka samples niini nga maoy gipa-ilalom sa laboratory test.
Dugang pa ni Panaligan, sikbit sa maong lugar ang nalarot usab nga balor 3.3-milyunes pesos nga kanridad sa marijuana plants ning mi-aging tuig didto sa Sitio Kalampayan, Barangay Kasapa 2, La Paz, sa susamang lalawigan.
Dugang sa opisyal, gi-imbestigahan na sa mga pulis ang maong plantasyon aron mailhan og maaresto anga tag-iya niini. Posible matud pang ibaligya kini dinhi sa Caraga Region og sa Bukidnon
