BUTUAN CITY- Usa ka Japanese-owned liquefied natural gas (LNG) tanker ang malampusong nakatabok sa Strait of Hormuz, sumala sa Mitsui O.S.K. Lines, pinaka-unang Japan-linked vessel nga naka-agi sa maong ruta sukad magsugod ang kagubot sa Iran.
Gi-ila ang barko isip “SOHAR LNG,” nga Panama-flagged ship. Sumala sa kompanya, luwas ang tanang crew niini, apan wala na nila gihisgutan kung kanusa ang eksaktong pagkahitabo sa pag-agi o kung audnay gihimong negosasyon tali sa Iran.
Ang Strait of Hormuz agi-anan sa dagkong supply sa lana ug LNG sa tibuok kalibotan. Adiser ang tensyon sa Iran, ming-abot sa dul-an 20% sa global oil ug gas supply ang ming-agi niini hinungdan nga gi-ila kini isip pinaka-importanteng shipping route sa kalibotan.
Usa ang Japan sa nakapahimulos sa maong ruta, tungod gibana-banang 90% sa oil imports ug 6% sa LNG niini diri mo-agi.
Tungod sa panagbangi, anaa sa 45 ka barkong konektado sa Japan ang na-stranded ug wala gilayon nakatabok, sumala sa transport ministry sa nasud.
Lakip sa mga nastranded nga barko ang mga oil tanker, LNG carriers, car carriers, ug uban pang cargo vessels sa Japan.
Samtang, adunay pipila ka barko gikan sa ubang nasud lakip ang China, India, ug Greece ang nakatabok na usab sa Strait sukad nagsugod ang kagubot.
