BUTUAN CITY- Nagpadayon ang tensiyon sa Strait of Hormuz human ang US ug Iran nagbinayloay og mga pag-atake sa katapusang semana sa Mayo. Ang US Central Command mitaho nga naglunsad kini og “self-defense strikes” batok sa Iranian radar ug drone sites sa Goruk ug Qeshm, samtang ang Islamic Revolutionary Guard Corps sa Iran mitubag pinaagi sa pagpamusil sa usa ka base nga gigamit sa US.
Ang Kuwait usab mitaho nga nakasalo kini og “hostile” nga missiles ug drones ug mikondenar sa “grabe ug balik-balik nga Iranian attacks.” Samtang ang White House wala pa motubag sa mga taho nga si US President Donald Trump nangayo og kausaban sa mga termino sa negosasyon, lakip na ang pag-abli pag-usab sa Strait of Hormuz ug pagtangtang sa highly enriched uranium.
Ang Iran, pinaagi sa iyang foreign ministry, mikritika sa US nga nag-usab-usab sa mga kondisyon kansa makapalong sa negosasyon, samtang nagpabilin nga dili kini mouyon sa deal gawas kung masiguro ang katungod sa Iran.
