BUTUAN CITY- Mi-angkon si Eileen Wang, kanhi Mayor sa Arcadia, California, sa kasong pederal nga kini secretong minglihok isip ahente sa China aron magpakuyanap og propaganda.
Sumala sa mga imbestigador, si Wang ug ang iyang kanhi fiancé nagpadagan og website nga adunay mga artikulong aprubado sa pangamhanan sa People’s Republic of China.
Gi-angkon ni Wang nga mingdawat kini og direktiba gikan sa mga opisyal sa PRC ug nag-post og mga unod nga wala gi public ang gigikanan.
Ang website daw usa ka regular nga balita apan napuno kini sa propaganda nga nakalusot sa komunidad. Si Wang, kinsa napili sa Arcadia City Council niadtong 2022, miresign sa iyang posisyon human migawas ang kaso.
Ang hatol niini gikatakda sa Oktubre 6, 2026, ug posible kining ma-preso sulod sa 10 ka tuig.
Sumala sa FBI, ang pagkumpisal niini usa ka klaro nga pasidaan batok sa mga indibidwal nga sekretong nagtrabaho alang sa mga langyaw nga gobyerno aron maimpluwensyahan ang demokrasya sa Amerika.
