BUTUAN CITY- Patay ang lima ka tao human nagkarambola ang pipila ka mga sakyanan sa Virginia. Sumala sa mga kapulisan, nahitabo ang aksidente sa interstate 95 kung asa gidaro sa pampasaherong bus ang pipila ka mga sasakyan nga anaa sa atubangan niini.
Nasunog pa ang usa ka sakyan tungod sa grabe nga pagkabangga niini kung asa upat ka tao ang namatay sulod sa nasangpit nga sakyanan.
Lakip sa namatay nga anaa sa kotse ang 13-anyos nga batang babae ug usa ka 7-anyos nga batang lalaki kansa puros residente sa Greenfield, Massachusetts.
Samtang usa pa ka 25-anyos nga babae nga residente sa Worcester, Massachusetts ang namatay sulod sa iyang SUV.
Adunay laeng 44 ka-tao usab ang gitahong gidagan sa balay-tambalanan tungod sa na-angkong samad sa maong aksidente.
Sa kasamtangan, padayon nga gisuta sa mga otoridad ang hinungdan sa aksidente kung asa usab gi-andam na nila ang kaso batok sa drayber sa bus nga gi-ilang si Jing Dong sa Staten Island, New York.
