BUTUAN CITY – Nakasakmit og laing world record ang usa ka lalaki sa Idaho nga nagkupot sa pinakadaghang Guinness World Records pinaagi sa pagsul-ob ug 32 ka T-shirts sulod sa usa ka minuto.
Si David Rush, nga naa nay mga rekord kalabot sa T-shirt sama sa “pinakadaghan nga T-shirt nga gisul-ob sulod sa 30 segundos” ug “pinakapaspas nga oras sa pagsul-ob ug 10 ka T-shirt,” misulay sa titulo nga “pinakadaghan nga T-shirt nga gisul-ob sulod sa usa ka minuto sa usa ka tawo.”
Sigon ni Rush, lisod ang maong rekord ilabina nga paspas kaayo maguba ang mekanismo tungdo kay inig labaw na sa ika-10 nga T-shirt, dili na lang oras ang imong kontra kondili apil na panapton tungod kay kada-layer nag-compress ug mawad-an na ka og range of motion sa imong bukton.
Aron mabungkag ang rekord, kinahanglan niya nga makasul-ob ug 25 ka T-shirt sa gitaganang oras kondiin nakasul-ob siya og 35 ka mga t-shirts apan tulo niini gi-disqualify sa Guinness World Records human nga ang mga hem sa maong T-shirt wala na naka-abot sa hawak tungod sa pressure sa daghang stack.
