BUTUAN CITY – Gipadayag ni United States President Donald Trump nga mag-ulan og impyerno sa Iran kung dili gihapon nila subling buksan ang Strait of Hormuz sa Lunes, (oras sa US samtang Martes usab sa Pilipinas).
Gipagawas ni Trump ang bahad samtang padayon ang pagpangita sa usa ka weapons officer nga lulan sa usa ka US fighter jet nga napahagsa sa Iran, kansa mao na ang ikaduhang adlaw dihang gipadayag sa Iran nga napahagsa nila ang duha ka US warplanes kondiin ang usa didto sa Kohgiluyeh ug Boyer-Ahmad province border samtang ang usa sa Gulf.
Ang US-Israeli attacks mi-igo sa duha ka petrochemical plants sa Khuzestan province sa Iran samtang usa ka tawo ang patay sa laing strike Bushehr nuclear site.
Samtang gi-revoke usab sa Estados Unidos ang permanent residency sa anak nga babaye ug pag-umangkong babaye ni anhing Iranian major general Qassem Soleimani dayong padala kanila ngadto sa Immigration and Customs Enforcement kon ICE custody.
Madumdumang si Soleimani, nga maoy nanguna sa foreign branch sa Islamic Revolutionary Guard Corps (IRGC), gi-assassinate niadtong tuig 2020.
