BUTUAN CITY- Gi-angkon ni Senador Robinhood Padilla nga gisakay lamang niini si Senador Ronald “Bato” dela Rosa pagawas sa Senado ug gihunong sa may Makati City, apan wala na matud pa kini ideya kung asa na mipadulong ang senador.
Gihimo ni Padilla ang pagklaro subay sa mga akusasyong gitabangan niini si dela Rosa nga makasibat sa Senado, butang nga gilimod sa senador ug gi-insistar nga walay aktibong arrest warrant gikan sa lokal nga korte sa nasud.
Sigon usab ni Senador Padilla, nga gipahibalo niini si Sen. dela Rosa nga kinahanglan niining mo-uli sa ilang panimalay niadtong sayo sa kabuntagon sa Mayo 14 tungd gipangita na matud pa kini sa iyang asawa, unom ka oras human sa natigayong pinusilay sulod sa Senado niadtong minglabay nga simana.
Pagklaro pa ni Padilla, dili niini mabalibaran ang senador tungod wala matud pay sakyanan si Sen. dela Rosa tungod gihunong lang kini sa Senado sa sakyanan ni Senate President Alan Peter Cayetano.
Matud pa ni Padilla, mingkanaog si dela Rosa sa Makati City kung asa lang kini mingsakay sa iyang kaugalingong sakyanan. Sakto usab ang pamahayag ni Padilla sa CCTV footage gikan sa Senado nga nagpakita sa paggawas sa duha gikan sa compound sa Senado alas-2:30 sa sayong kabuntagn niadtong Mayo 14.
Gikumperma usab kini sa taho ni DILG Secretary Jonvic Remulla nga nakit-an ang puti nga sakyanan ni Padilla sa Makati City.
Gi-insistar usab ni Padilla nga wala sila mingtakas tungod walay mingpugong sa ila nga molakaw. Matud pa niini, daghay pulis sulod ug gawas sa Senado ug adunay CCTV cameras apan wala matud pay mingpugong sa ila nga molakaw sa premises sa Senado.
