BUTUAN CITY- Gikwestyon sa minority bloc ang daw “rushed” nga proseso sa pag-amyenda sa Senate rules. Kini human mag-walkout ang minority bloc kagahapon Martes, Mayo 26, human ang init nga diskusyon kalabot sa pag-amyenda sa Senate rules nga magtugot sa mga senador nga motambong ug moboto sa plenaryo pinaagi sa online o remote participation. Ang maong sugyot gipasaka ni Senador Rodante Marcoleta niadtong Mayo 11, kansa nagtumong tugotan ang “justifiable” nga remote attendance sa mga miyembro sa Senado.
Sumala sa minority bloc, gipadali-dali matud pa ang proseso s apag-amyenda sa rules ug wala nahatagan og igo nga hgayon ang tanang senador nga magpadayag sa ilang opinyon.
Sa ilang pamahayag nga gipa-ambit sa social media ni Sen. Kiko Pangilinan, ilang gi-insistar nga kinahanglan kining mopa-ilawom sa mas lapad nga diskusyon ug dili angayang ipatuman dayon.
Bariganan sa Minorya nga daw adunay “railroading” o pagpadali sa proseso, ug mipasidaan nga posibleng ma-apektuhan ang patas nga pag-tambong sa mga senador sa gihimong balaod.
Tungod sa pag-walkout, pakyas ang plenaryo nga makamugna og quorum hinungdan nga wala na nasunod ang sugyot. Sa wala magdugay, gi-adjourn ang sesyon ug ipadayon na usab kini sa Hunyo 1.
