BUTUAN CITY – Nakasamit og gold medal ang pambato sa Team CaraGold sa triple jump – elementary boys category human niini nasakmit ang medalyang bulawan sa dula nga gipahigayon sa Datu Lipus Makapandong Gov. D.O. Plaza Sports Complex.
Nasaksihan sa host province ang maayong performance ni Khervine Quijada gikan sa Cabadbaran City rason nga nakuha niya ang medalyang bulawan sa athletics.
Gipakita ni Khervine ang iyang kusog, kamaayo ug perpektong teknik sa sandpit aron lang mabitbit ang titulo isip nasudnong kampeon. Dakong garbo ang gibati sa iyang coach nga si Riza Talha, assistant coach Ferdinand Oquias, ug trainer Miller Manulat.
Sa eksklusibong pakighinabi sa Bombo Radyo Philippines, gipadayag niini ang iyang dakong kalipay nga gibati sa nakab-ot nga kalampusan dayong pasalamat ngadto sa Kahitas-an ug sa iyang pamilya nga padayong misuporta kaniya.
