BUTUAN CITY- Posibleng mopahigayon og regular press briefing ang House prosecution panel ugaling magsugod na ang impeachment trial batok kang VP Sara Duterte.
Sumala ni panel spokesperson Zia Alonto Adiong, gitun-an na sa mga prosecutor ang paghio niini isip parte sa information campaign aron mahatagan og katin-awan ang publiko kalabot sa nahitabo sa pagtaral.
Tumong usab sa panel nga malikayan ang unsa mang kalibog sa mga legal nga higutanang nagtabon sa tibuok proseso.
Gilaoman sa panel nga mahimong taas ang mga serye sa hearing ug masiguro nga pukusan sa publiko ang kinatibuk-an sa trial.
Gawas sa media, gusto sa panel nga direktang maka-estorya ang publiko ug matubag ang ilang mga pangutana.
Sa kasamtangan, gitun-an pa sa panel ang eksaktong format sa mga ipahigayong briefing kung asa tinguha sa mga prosecutor nga makahatag og regular updates, pagklaro sa mga proseso, projection ug ipdagan nga kaso, ug uban pa.
Nasayud matud pa ang mga prosecutor sa lapad nga interes sa publiko ug gusto sa mga niini nga mamintinar ang maong interest sa tabang sa regular nga information dissemination.
