BUTUAN CITY – Gipadayag sa Iran ug Israel nga ilang gihunong ang mga pagpangatake batok sa usag usa, human sa unang pagbinayloay og bala sukad sa temporaryong ceasefire niadtong Abril.
Sigon ni Israel Prime Minister Benjamin Netanyahu nga ang iyang nasod nagpahunong una sa pagpamusil “sa pagkakaron.”
Apan iyang gipamugos nga ang pakigbatok sa Iran ug sa grupo nga Hezbollah sa Lebanon nga gisuportahan sa Iran “wala pa nahuman.”
Ang militar sa Iran nagkanayon usab sa sayo pa nga ilang gihunong ang ilang mga operasyon human sa paghatag og “sakit nga tubag” ngadto sa Israel.
Ilang gisaad ang “mas grabe ug mas makaguba nga mga lakang” kon ang Israel mopahigayon pa og dugang nga mga pag-atake, lakip na didto sa Lebanon.
Una nang Nanawagan si US President Donald Trump sa Israel ug Iran nga undangon na ang ilang pagbinayloay og mga pag-atake sa matag teritoryo— ang pinakaunang engkuentro sukad sa April ceasefire.
