BUTUAN CITY- Mingbalos sa pag-atake ang Islamic Revolutionary Guard Corps (IRGC) sa Iran sa usa ka air base sa Estados Unidos, apan wala na gibutya ang eksaktong lokasyon niini.
Human kini sa unang pag-atake sa US sa mga military site sa Iran sa Bandar Abbas, nga usa ka estratehikong port city.
Samtang, gipahayag sa Kuwait, nga nag-host usab og air base sa US, nga nababagan sa ilang air defense ang mga “hostile missile ug drone threats,” apan wala na gipanganlan asa nagsugod ang mga niini.
Ang bag-ong tensiyon tali sa duha ka nasud mas nagpahuyang pa sa kasamtangang ceasefire.
Kini na ang ika duhang higayon sulod sa tulo ka adlaw nga minglusad og serye nga pag-atake ang US sa mga target sa Iran, kansa gibarogan usab sa Amerika isip usa ka klase sa self-defense.
