BUTUAN CITY – Laing brutal nga pagpatay na usab sa usa ka ang natigayon ning rehiyon sa Caraga kondiin ang mismong anak ra usab ang kreminal.
Malampusong nasikop sa ning mi-aging adlaw sa may P-5, Barangay Taganito, Carrascal, Surigao del Sur si John Paul Trugillo Legaspi, 28-anyos human niini gi-unay sa pagpatay ang inahan pinaagi sa pagkulata, paghampak og botelya sa nawong ug gilambusan pa og bato ang ulo.
Base sa Carrascal Municipal Police Station, gibadlong sa inahan ang iyang anak tungod sa pagsige og hubog-hubog nga gikasuko sa suspek rason sa init nilang lalis hangtud nga natigayon ang kremin pasado alas 7:00 sa buntag.
Daling misumbong sa kapulisan ang igsoon sa suspek rason sa pagkasikop niini samtang gidala usab sa Carrascal Primary Health Care Facility ang biktima apan gideklara kining dead on arrival.
Madumdumang pagka-gabii usab natigayon ang laing kremin sa may Purok 13, Brgy. San Vicente ning siyudad sa Butuan diin ang inahan napalgan na lang nga walay kinabuhi sulod sa panimalay human nga gitu-uhang gitook sa suspek nga si Marlon Argawanun, 40-anyos, ulitawo ug factory worker sa Cebu City ang iyang inahan nga si Teresita Argawanon, 76-anyos, kinsa gigapos ang mga kamot ug tiil gamit ang tie wire ug gitabuna’g t-shirt ang nawong rason nga posibleng na-suffocate kini.
Samtang ang suspek naghikog usab kini sulod ra usab sa balay gamit ang tie wire.
