BUTUAN CITY – Gitumbok sa usa ka eksperto nga political circus ang nahitabo nga impeachment hearing sa House Committee on Justice batuk kang Vice President Sara Duterte kagahapong adlawa.
Sigon ni Gerry Cano, Presidente sa Professional Criminologists Association of the Philippines nga usa ka political circus ang maong pagdungog diin ang mga kongresista ang main actors.
Sumala pa niini nga illegal ang maong impeachment hearing tungod kay wala man kini misunod sa unsay ruling o guidelines sa korte suprema.
Gane dili matud pa mini-trial ang ilang gihimo kundi trial na gayud tungod kay sila man ang nag-examine sa mga testimonya o witness nga dapat primary duty sa complainant ang maghatag og ebidensiya nga dalhon sa komitiba og dili ang pagsummon o pag-subpoena sa mga ahensiya sama sa COA o uban pang personalidad.
Nakita usab niini nga scripted ang pagdungog human mihilak si Ramil Madriaga nga gipabutang pa sa record sa chairman.
Gikaminusan usab niini pagpasegarbo ni Madriaga nga eksperto kini sa intelligence og seguridad tungod sa titulong Certified Security Professional.
Pagbutyag pa niini nga kini nga certification nakuha kini pinaagi sa training sulod sa 4 ka adlaw apan gipanghinambog na ni Madriaga nga eksperto kini sa tanang detalye sa intelligence og seguridad.
Gipakita pa niini nga daw closed kaayu siya sa Besi Presidente.
Sakit usab matud pa pamalandongon nga ang Committee on Justice wala mihatag og hustisya ngadto sa kapin 120-milyones ka mga tawo sa Pilipinas nga nag-aliid sa kalisud og nakasinati sa krises ning panahona.
Sumala pa ni Cano nga dapat ang top most priority ang katawhang Filipino og dili lang pagpasikat sa ilang gibuhat nga nakita niining gibuhat lang aron tabunan ang eskandalo sa flood control og kawalay saktong aksiyon sa nasinating krises sa karun.
