6 ka sakay sa nawala nga eroplano sa Bermuda, posibleng patay na – US Coast Guard

BUTUAN CITY- Posibleng patay na ang mga sakay sa usa ka medical transport aircraft human kini kalit nga nawala.

Ang nasangpit nga eroplano gikan sa Bermuda padulong Boston.

Sumala sa United States Coast Guard, gitapos na nila ang search and rescue sa kadagatang bahin sa Nantucket, usa ka isla sa Massachusetts.

Nahitabo ang insidente niadtong Sabado kung asa nawad-an og contact ang Federal Aviation Administration sa Gulfstream G-100 plane.

Nakakita ang mga otoridad og debris kansa gitu-ohang naggikan matud pa sa nasangpit nga eroplano.

Lulan sa eroplano ang upat ka Canadian nationals ug duha ka Bermudian nationals.

Sa kasamtangan padayon nga gisuta sa mga otoridad ang hinungdan sa nasangpit nga pagkahagsa sa eroplano.