BUTUAN CITY– Natala na usab sa Caraga Region ang ikaduhang pinaka taas nga ihap sukad kagahapon nga dunay 467 ka mga kaso samtang karung adlawa natala sa rehiyon ang 532 ka mga kaso sa covid-19 kondiin 527 niini ang naka isolate, 194 ang mga nakarekober ug dunay 7 ka bag-ong patay.
Sa mga bag-ong kaso karung adlawa, pinakataas gihapon ang AGusan del Sur nga miabot sa 208 ka mga kaso, gisundan dayun sa syudad sa Butuan nga dunay 126 ka mga kaso sa virus.
Mitala usab og 67 ka mga kaso ang Surigao del Sur; 34 ang gikan sa Bayugan City; 32 ang natala sa Surigao del Norte; samtang dunay 26 ka kaso sa Agusan del norte; ingun man tag 13 usab ka kaso sa Bislig City ug Tandag City; 4 sa Surigao City ug 1 sa Cabadbaran City.
Tungod niini, miabot na sa kinatibuk-ang 31,621 ang covid-19 cases sa raga region samtang 3, 982 ang mga naka isolate human nga 26, 634 na ang mga nakarekober ug muabot na usab sa 1,005 ang kinatibuk-ang patay nga natala ning rehiyon.
Hinungdan nga padayong nag-awhag ang kadumalahn sa panglawas ngadto sa publiko nga kung mahimo mahimon magmatinumanon sa tanang gipatuman nga minimum public health protocols aron sa ingun nga makalikay nga matakbuyan sa maong virus.
