BUTUAN CITY – Gitakda sa Trial Chamber III sa International Criminal Court (ICC) ang unang status conference sa kaso ni kanhe Pangulong Rodrigo Duterte sa Mayo 27, isip kabahin sa pag-abante sa pagtaral.
Sumala sa ICC, gitahasan ang prosekusyon ug depensa nga magsubmite sa ilang dokumento ug ebidensiya adiser ang deadline nga Mayo 15.
Lakip niini ang trial briefs, disclosure sa mga materyales, ug uban pang mahinungdanong detalye para sa kaso.
Tumong sa status conference nga tumbokon ang timetable o iskedyul sa mismong trial, lakip na ang mga musunod nga lakang sa proseso.
Una nang gikumpirma sa Pre-Trial Chamber I ang tulo ka ihap sa crimes against humanity batuk kang Duterte, rasong mi-abante ang kaso sa trial phase.
Sa maong lakang mas pormal nang sugdan sa ICC ang pagdungog sa kaso sa kanhe pangulo, nga kasamtangang anaa sa kustodiya sa The Hague sukad pa niadtong Marso 2025.
