-- ADVERTISEMENT --
BUTUAN CITY- Naglunsad og large-scale missile at drone strikes ang Russia sa capital sa Ukraine nga Kyiv nga gikamatay sa dili mo-ubos 13 ka-tao.
Gibalhin usab ang pipila ka mga residente taliwa sa mga pagpamomba sa mga building sa capital, pila ka oras human mipasidaan si Ukraine President Volodymyr Zelensky nga nangamdan ang Russia alang sa halapad nga pag-atake.
Lakip sa mga natalang casualties ang mga bata, base sa kumpirmasyon gikan kang Tymur Tkachenko, ang head sa military administration sa Kyiv.
Matud pa niini, gitarget pag-usab sa kalaban ang residential areas ug gipangpatay ang mga sibilyan.
Gi-angkon usab sa Russian Ministry of Defense ang pag-target sa energy facilities isip balos sa daw kani-adtong strikes sa Ukraine.
-- ADVERTISEMENT --
