BUTUAN CITY – Aminado si Chrishia Mae Tajarros, ang back-to-back gold medalist sa 3000-meter run sa secondary girls division gikan Region 8 nga ang grabeng paningkamot ug hard work maoy bugtong niyang yawe sa pagsakmit sa medalyang bulawan alang sa maong sporting event.
Sa eksklusibong pakighinabi sa Bombo Radyo Philippines, gipadayag ni Tajarros nga wala siya’y talent sa maong sporting event apan iyang gipaningkamutan gani adiser ang iyang dula kaganina, usa ka tuig na siyang nag-train niini ilabina human nasakmit ang unang gold sa susamang event sa palaro ning mi-aging tuig.
Nagsugod matud pa siya pag-train human niya pag-grade six o adiser siya nag-grade 7 sa Tanauan National High School sa Leyte kondiin incoming grade 10 na siya.
Ang iyang paghigugma sa maong event maoy nagtukmod kaniya nga himuon ang tanan aron makuha ang iyang gipangandoy bisan og unsa pa nga mga pagsulay ang iyang naagi-an.
Sama matud pa sa kanunay niyang nasinatian adiser ang iyang mga dula kondiin magsakit ang iyang tiil apan wala siya biyai sa Kahitas-an rason nga alang kaniya ang iyang kada-ugan uban na siyang pamilya, coaches ug tanang nakatabang sa iyang na-abot karon.
Adiser matud pa siya mipadulong sa Agusan del Sur, wala’y laing tugon kaniya ang iyang mga ginikanan kondili huna-hunaon nga anaa sa iyang tapad ang Ginoo ug himuon niya ang tanan niyang makaya.
Tungod sa iyang kada-ugan, ang iyang nadawat nga medalyang bulawan ug ang madawat na insentibo iyang ihatag sa iyang ginikanan aron makatabang sa ilang pamilya. Duna pa siya’y 1,500-meter event nga himuon sa day 4 nga gila-uman niyang iya usab nga madag-an.
