BUTUAN CITY – Usa ka talagsaong kalampusan ang nakuha sa 33-anyos nga engineer si Prathab Muniandy human niya nakab-ot ang Guinness World Record para sa titulong pinakadaghan og ngipon sa tawo sa mga lalaki.
Si Prathab dunay katibuk-ang 42 la mga ngipon, mas daghan og 10 kumpara sa normal nga hamtong nga duna lay 32.
Unang namatikdan ni Prathab ang iyang mga sobrang mga ngipon niadtong 2021 sa usa ka family gathering.
Sa dihang napakuha siya og dental X-ray, nakita nga duna pa diay upat ka ngipon nga wala pa migawas kaniadto sa iyang lagos.
Niadtong 2023, opisyal nang mitubo ang tanang ngipon rasong miabot sa 42 ang iyang mga ngipon, ug dunay dugang pa siyang duha sa sulod nga wala pa mitubo.
Swerte usab si Prathab tungod kay tul-id ang pagtubo sa mga niini og wala naghatag og depekto o komplikasyon.
Sigon ni Prathab, dili gelayon mamatikdan sa mga tawo ang iyang kondisyon tungod kay normal man lantawon ang iyang pag-ngisi gawas na lang kung ihapon kini og tuyo.
Bisan og nagpasalamat siya sa iyang talagsaong record, gisiguro pa gihapon niya ang saktong pag-atiman sa iyang panglawas pinaagi sa regular nga pag-toothbrush ug pagbisita nga regular sa iyang mga dentista.
Sa kasamtangan, si Prathab ang naghawid sa titulo para sa mga kalalakin-an samtang ang counterpart usab niya sa mga kababayen-an gikuptan sa usa ka babaye gikan sa India nga dunay 38 ka ngipon.
