-- ADVERTISEMENT --

BUTUAN CITY- Masaligon si Department of Trade and Industry Secretary Ma. Cristina Roque nga dako ang matabang sa bag-ong kasabotan sa Association of Southeast Asian Nation kon ASEAN kalabot sa ‘digital economy’.

Dihang natuman ang DEFA o Digital Economy Framework Agreement, gi-ila kini sa secretary isip ‘Big Win’ hilabi na sa mga MSME’s o Micro, Small and Medium Enterprises. Pinaagi matud pa sa ‘digital space’, mas mapadali na ang pakigkonektar sa mga niini nga mabaligya ang ilang mga produkto sa rehiyon. Gawas sa pagbaligya og produkto, nakita sa secretary nga mag-abri kini og potensyal ug oportunidad alang sa ubang industriya.

Gipa-ambit usab sa secretary nga ang nasangpit nga kasabutab, gamit ang ‘digital space’ magsilbing instrumento aron mapalapad ang edukasyon ingon man ang anaa sa mga lagyo nga lugar. Possible na matud pa nga maka-katon o adunay edukasyon gikan sa nagkanda-iyang miyembrong nasud sa ASEAN pinaagi sa ‘digital space’.

Wala na usab gihisgutan ni DTI Sec. Roque ang kabalaka sa kasamtangang kompetisyon sa pagnegosyo. Bisan paman nga aduna nay susamang sitwasyon adiser paman naka-angkon og kasabotan, gihatagan og ginbug-aton niini nga kinahanglang mag-level up usab ang mga produktong Pilipino.