BUTUAN CITY – Napalgang buhi ug luwas ang usa ka 17-anyos nga bayong-bayong human ang unom ka adlaw niining pagkawala sa baga nga kalasangan sa Australia.
Ang batan-ong gi-ila lamang sa pangalang William, nawala niadtong Biyernes samtang nag-camping uban sa iyang higala sa lasang nga nahimutang mga 180 kilometros sa sidlakan sa Melbourne, Victoria.
Nabalaka ang mga otoridad sa iyang kahimtang tungod sa grabeng kabugnaw sa temperatura matag-gabii rason sa wala’y pu-as nga searchy and rescue operation gamit ang mga police dog, divers ug helicopter hangtod nga nakit-an siya kaganina.
Gigamit sa mga rescuers ang helicopter aron makuha si William ug gihatagan dayon og donut ug tubig sa wala pa dal-a sa ospital alang sa medical check-up.
Sigon sa iyang inahan nga si Elizabeth Barkley, pipila lamang ka gagmayng garas ang na-angkon sa iyang anak ug maayo ang kinatibuk-ang kahimtang sa panglawas.
Gidugang pa niini nga base sa pagsaysay sa iyang anak, nagpabilin lamang sa usa ka lugar si William samtang naghulat nga makita ug maluwas sa mga rescuers.
Dako kaayo ang kahupay ug kalipay nga gibati sa ilang pamilya nga nakit-an siyang buhi ug luwas human sa unom ka adlaw nga pagpangita.
