BUTUAN CITY- Masinati na ugmang adlawa ang dakong pagrolback sa presyo sa mga produktong petrolyo diin base sa anunsyo sa Department of Energy (DOE) mo-abot sa P16.80 matag litro ang pagkunhod sa gasolina, P4.10 sa diesel, ug P3.70 sa kerosene.
Sumala sa ahensya, ang dakong decrease sa presyo subay sa pagkahagsa sa presyo sa lana sa international market tungod sa paglu-ag sa tensyon tali sa Estados Unidos ug Iran.
Dakong tabang ang rollback maong rollback alang sa mga driver sa pampublikong sakyanan ug mga delivery rider kinsa grabe nga na-apektuhan sa taas nga galastuhon sa krudo niadtong minglabay nga mga buwan.
Giklaro usab sa DOE nga ang paglihok sa presyo sa lana wala gikomptan o kontrolado sa pangamhanan sa Pilipinas, tungod nakadepende kini lihok sa international commodities market.
