BUTUAN CITY – Dakong garbo gihapon alang kang Angel Mae Lumacang sa Region VIII nga iyang nakuha ang silver medal sa 3000-meter run sa secondary girls tungod kay daan na niyang gipangayo sa Ginoo nga igo na kaniya nga makasulod sa final 3.
Sa eksklusibong pakighinabo sa Bombo Radyo Butuan, gipadayag ni Lumacang nga okey gihapon kaniya ang iyang nasakmit tungod kay iya ra man usab nga team mate ang nakakuha sa gold pinaagi ni Chrishia Mae Tajarros.
Iya na matud pang gila-uman ang iyang target ilabina nga misalig siya sa iyang kaugalingon tungod kay kabisado na niya ang maong event.
Nahimong dakong hagit sa iyang kampanya ang mga higayon nga usahay gusto na niyang mu-undang tungod sa mga problema nga iyang masagubang ug pressure apan ginadasig siya kanunay sa iyang coach ug mga team mates nga dili mu-undang tungod kay ila na kining nasugdan, rason sa iyang pagpadayon.
