BUTUAN CITY- Gitudlo ni Pangulong Ferdinand Marcos Jr. si kanhi Sen. Francis Tolentino isip bag-ong secretary sa Department of Labor and Employment (DOLE).
Gihulipan niini si Sec. Bienvenido Laguesma, kinsa mingkanaog sa pwesto tungod sa kahimsug human nagsilbi sukad niadtong 2022 hangtud 2026.
Si Tolentino usa ka abogado ug kanhi Senate Majority Leader nga nagsilbi sa Senado sukad 2019 hangtud 2025.
Adiser paman ang iyang karera sa lehislatura, nahimo na kining chairperson sa Metropolitan Manila Development Authority (MMDA) ug gi-ila sa iyang papel sa disaster preparedness ug urban management.
Samtang, si Laguesma usa ka beteranong opisyal nga nagsugod sa DOLE niadtong dekada 1970 isp labor arbiter.
Nahimong Secretary kini sa DOLE ubos ni kanhi President Joseph Estrada gikan 1998 hangtud 2001, ug mingbalik sa susasamang posisyon sa administrasyong Marcos Jr. niadtong 2022.
Nagsilbi usab kini isip commissioner sa Social Security System (SSS) gikan 2011 hangtud 2016.
Ang appointment ni Tolentino ming-abot taliwa sa mga hagit sa labor sector, lakip ang taas nga presyo sa palaliton, wage adjustments, proteksyon sa mamumuo, ug labor migration.
