BUTUAN CITY – Miabot sa double overtime ang dula tali sa Gilas Pilipinas ug sa New Zealand sa nagpadayon nga World Cup Qualifiers.
Milabaw pa og 1-point ang Pilipinas sa 3rd quarter apan sa pagtapos sa 4th quarter tabla kini sa 83.
Pagsulod sa overtime , nahimong dikit pa gihapon ang dula sa duha ka koponan hangtud nga nahulog ang unang overtime all-93.
Misulod ang ikaduhang overtime nga gihawiran sa New Zealand ang labaw sa unang duha ka minuto apan paspas kining nagukod sa Pilipinas ug giposte ang 97-96 nga labaw.
Duha ka minutos adiser matapos ang dula, na-angat sa Pilipinas ang labaw sa upat ka puntos, 100-96 sa tabang sa clutch shots ni Justine Brownlee apan paspas pa gihapon kining nagukod sa New Zealand ug natabla ang score sa 100, usa ka minuto adiser matapos ang dula.
Apan sa katapusan, wala na naka-apas ang Gilas human ang sunod-sunod nga gitawag nga foul para sa New Zealand, lakip na ang usa ka inbound mistake sa katapusang parte ug hingpit nga natapos ang dula sa 106-102.
