BUTUAN CITY- Nagtapos sa Top 12 si Asia Rose Simpson, pambato sa Pilipinas, sa Miss World 2026 nga gipahigayon sa Vietnam, human wala kini makasulod sa final Top 6 sa kompetisyon.
Bisan wala makuha ang korona, nakahatag si Simpson og lig-on nga performance sa tibuok pageant, lakip ang iyang pagkadaog sa Asia & Oceania Head-to-Head Challenge nga nakahatag kaniya og awtomatikong puwesto sa Top 40, samtang nahimo usab siyang finalist sa Beauty With a Purpose ug nakakuha og ikatulong puwesto sa Talent Challenge.
Sa iyang Beauty With a Purpose advocacy, gipasiugda niini ang papel sa sports ug sayaw sa pagpalambo sa pisikal, mental ug emosyonal nga kahimsog sa kabatan-onan.
Sa kataposan, si Joheirry Mola sa Dominican Republic ang gikoronahan isip Miss World 2026, samtang nagpabiling garbo sa Pilipinas ang Top 12 finish ni Simpson.
