BUTUAN CITY- Nabanhaw ang talagsaong mga sinina ug costume sa gihimong “The Wrong Outfit Fun Run 2026 sa Talisayan, Misamis Oriental, atol sa ilang ika-142nd Charter Day Celebration, diin gipasiugda sa mga partisipante ang ilang pagkamamugnaon ug makalingaw pinaagi sa ilang mga sinuotan.
Dili lamang pagdagan ang nahimong sentro sa ilang kalihokan, kundili nahimo usab kining higayon aron mapalambo ang kahimsog, panaghiusa ug kasadya sa mga partisipante ug komunidad.
Nakit-an sa maong kalihukan ang nagkalain-laing estilo sa mga sinuotan, kansa nakadugang sa makalingaw ug mabulokon nga atmosphere sa fun run, adunay nag suot og white lady, nurse, doctor, manganakay, naka sinena og tupad, Masked Guard sa salidang Squid Games, ug daghan pang uban.
Gilauman nga pinaagi sa mga sama niini nga kalihukan, mas daghang residente ang maengganyong mosalmot sa mga physical activities ug healthy lifestyle, samtang mapalig-on usab ang panag-uban sa komunidad.
