BUTUAN CITY – Giklaro ni Engr. Sergio Pascual, kanhe konsehal sa Butuan City nga may kalambigitan sa problema sa tubig ning siyudad ang giatubang karung kaso diin gihukman siya’g guilty sa Regional Trial Court kon RTC Branch 1.
Sumala pa ni Pascual nga dili pa pinal ang maong disesyon tungod kay pwede pa kining magduso og motion for reconsideration sa maong korte og kung dili ihatag kaniya, maghaon na usab siya ngadto sa court of appeals.
Ugaling dili paborable kaniya ang disesyon sa Court of appeals, mag-file na usab siya ngadto sa korte suprema nga maoy pinal nga magpagawas sa disesyon.
Sigon ni Pascual nga duha ka kaso ang gipasaka ngadto kaniya ni Kanhe Butuan City Mayor Ronnie Vicente Lagnada, ang civil case nga nabasura na sa korte og libel case.
Pasabot pa ni Pascual nga nagsugod kini niadtong hugot siyang mibatikos sa pagpasulod og Bulk water supplier sa Butuan City nga wala miagi sa saktong proseso.
