BUTUAN CITY- Gipunting sa Department of Health (DOH) nga mabakunahan ang 445,961 ka mga bata sa Eastern Visayas karong Agosto isip kabahin sa nationwide measles-rubella supplemental immunization campaign nga naglakip usab sa paghatag og Vitamin A.
Sumala ni DOH-Eastern Visayas Director Exuperia Sabalberino, ang programa gitumong sa tanang bata nga nag-edad og 6 hangtod 59 ka bulan bisan pa man sa ilang naunang kahimtang sa pagbakuna. Ang mga benepisyaryo gikan sa nagkalain-laing lugar sama sa Leyte, Samar, Northern Samar, Eastern Samar, Southern Leyte, Tacloban City, Ormoc City, ug Biliran.
Sigon sa DOH, andam ang mga health center tungod sa igong suplay nga 850,000 ka dosis sa bakuna sa measles-rubella aron mapanalipdan ang mga bata batok sa maong mga sakit.
Gidasig usab sa mga opisyal sa panglawas ang mga ginikanan ug tig-atiman sa mga bata nga ipabakuna sila sa labing duol nga health center o mangayo og tabang sa mga health worker sa barangay samtang nagpadayon ang kampanya gikan Agosto 10 hangtod 28.
