BUTUAN CITY– Gipasiugdahan sa Department of Health kon DOH ang ASEAN Conference on Noncommunicable Diseases (NCDs) 2026, diin gilauman nga aprobahan sa mga miyembrong nasud sa ASEAN ang Call to Action on Accelerating NCD Prevention and Control in ASEAN 2026–2030 aron mapalig-on ang pagpugong ug pagkontrol sa mga noncommunicable diseases sama sa sakit sa kasingkasing, kanser, diabetes, chronic respiratory diseases ug mental health conditions.
Ang tulo ka adlaw nga komperensya, nga gipahigayon gikan Agosto 4 hangtod 6 ubos sa pagkapangulo sa Pilipinas sa ASEAN, nagtigom sa mga health ministers, eksperto, development partners ug mga representante sa nagkalain-laing organisasyon aron mapalambo ang primary health care, mapalig-on ang kooperasyon sa rehiyon ug mapalapad ang epektibong mga programa batok sa NCDs.
Sumala ni Health Secretary Jose Pujalte Jr., ang nagkadaghang kaso sa NCDs mao gihapon ang labing dakong hagit sa panglawas sa rehiyon, busa gikinahanglan ang hiniusang aksyon sa gobyerno, pribadong sektor ug komunidad aron mapanalipdan ang kahimsog sa katawhan
