BUTUAN CITY – Giklaro sa manager sa Orange Beach View Resort, Brgy. Manapa, lungsod sa Buenavista, Agusan Del Norte ngapang-pamilya lang gayod ang gitugutan nlang maka-abang sa mga halls ug lawak niini.
Giklaro kini sa manager nga gitago lang sa pangalang ‘Dodoy’ aron depensahan ang pagkadamay na sa ilang resort nga matud pa gihimo nang sex haven sa prostitusyon.
Sa eksklusibong pakighinabi sa Bombo Radyo Butuan, gipadayag ni alyas Dodoy nga ulahi na silang nasayod nga mga pulis diay ang nag-arrange sa maong entrapment operation human nasuta nga hapon pa lang, duna na’y duha ka grupo nga nag-inquire kaniya aron mu-abang alang sa party uban matud pa ang mga babaye kondiin bayot matud pa ang miduol kaniya.
Sa sinugdanan, dinha lang matud pa sa ilang social hall ang mga babaye ug dihang mihangyo na nga mu-abang og kwarto ug pasaka na unta, dinhi na sila gipangsikop sa mga pulis.
