BUTUAN CITY – Mipasaka og kaso batuk sa iyang mga pasyente ang usa ka COVID-19 doctor sa India human nga brutal siyang gi-atake nga miresulta sa pagkawala sa iyang panimuot.
Gitu-uhan na ni Dr. Seuj Kumar Senapati nga mamatay na siya sa gihimo sa maong mga pasyente ug sa ilang mga kabanay ngadto kaniya samtang iyang gisusi ang ilang kondisyon.
Nasayrang dili kini ang unang higayong gi-atake sa mga pasyente ang usa ka doktor tungod sa grabe kadaghan sa mga nagpahiling na sa ilang kondisyon tungod sa taas nga kaso sa COVID-19.
Nasayrang kini ang iyang unang trabaho ug duha ka adlaw pa lang siyang nagtrabaho sa usa ka Covid care center sa Hojai district, sa north-eastern state sa Assam dihang nahitabo ang iyang nadangatan.
Nasayrang dihang iyang gisusi ang usa ka pasyente nga wala na maglihok, nasuko ang mga kabanay niini dihang iyang gisultihang patay na kini, dinhi na mi-atake ang ubang mga pasyente kondiin gipanglabay na sila sa iyang staff og mga bangko ug gipangbu-ak ang mga bintana.
