BUTUAN CITY – Nadungan pa og lima ka positibong kaso sa COVID-19 ang natala sa Caraga Region.
Sa anunsyo kagabie sa Center for Health Development-Caraga gibutyag nga sa lima ka kaso 4 ang gikan dinhi Butuan City ug usa ang natala sa Magallanes Agusan del Norte.
Nagsumikad ang 4 ka kaso ning dakbayan sa barangay a Libertad nga dunay 2 ug tag-usa usab sa Limaha ug Pangabugan kansa pulos mga local transmission ug hinuon asymptomatic kon wala’y gibating simtomas sa sakit.
Nasuta usab ang natalang usa ka kaso sa Magallanes nga adunay travel history sa area nga dunay local transmission cases kinsa aduna’y mild symptoms ug istriko silang gi-monitor sa mga quarantine facility.
Sa karon ang ang cumulative confirmed cases sa Caraga Region, miabot na sa 675 diin sa maong ihap, 411 ang recoveries ug 246 ang mga aktibong kaso kon nagpaayo pa samtang nagpabilin sa 18 ang namatay.
Sa mga klasipikasyon usab mga kumpirmadong kasong nataptan sa COVID-19 dinhi sa rehiyon pinakadaghan ang mga Locally Stranded Insividuals nga anaa sa 281, Local Transmission 237, Returning Overseas Filipinos 62, Health Workers 48, ug Frontliners – 28.
