BUTUAN CITY – Giila isip NBA Rookie of the Year si Dallas Mavericks Cooper Flagg.
Siya ang unang rookie sukad kang Michael Jordan niadtong 1984-85 para pangunahan ang koponan sa kadaghan sa puntos, rebounds, assists ug steals.
Gipildi sa 19-anyos nga si Flagg ang kaubanang Duke teammate niini kanhe nga si Kon Knueppel nga anaa sa Charlotte Hornets.
Nahimong dikit ang kompetensiya nila Flagg ug Knueppel sa botasyon apan milabaw ang Mavs star sa duha ka dula diin nakatala og 96 puntos.
Nakuha usab ni Victor Wembanyama sa San Antonio Spurs ang Defensive Player of the Year samtang Clutch Player of the Year award si Shai Gilgeous-Alexander sa Oklahoma City Thunder.
Giila usab si Keldon Johnson sa Spurs isip Sixth Man of the Year, samtang si Derrick White sa Boston Celtics ang midaug sa Sportsmanship Award ug Most Improved Player usab si Nickeil Alexander-Walker sa Atlanta Hawks.
