BUTUAN CITY – Mi-abot na sa 105 ang cumulative suspect cases sa COVID-19 dinhi sa Caraga Region, base na sa gipagawas nga situational report number 99 sa Center for Health and Development kon CHD-Caraga.
Sa maong ihap, pinakadaghan ang natala sa Butuan City nga mi-abot sa 56 nga gisundan sa Agusan del Norte nga duna’y lima dayon ang Cabadbaran City nga mitala og walo samtang ika-upat ang Surigao City ug Agusan del Sur nga duna’y tag-unom.
Mitala usab og lima ka kaso ang Surigao del Sur, tulo sa Tandag City samtang tagduha ang Bayugan City, Surigao del Norte ug Bislig City.
Sa 105, mi-abot sa 29 ang na-admit sa nagkada-iyang ospital, 21 ang nagnegatibo sa RT-PCR test, lima ang pending pa ang resulta sa susamang test samtang tulo ang gitakda pa ang specimen collection.
Sa maong ihap usab, unom ang gikonsiderang mga probable cases kondiin upat na ang nagnegatibo sa RT-PCR test samtang gihulatan pa ang resulta sa laing duha. Sa 29 usab nga na-ospital ug padayong gi-obserbahan, lima kanila ang anaa sa Butuan Doctor’s Hospital, usa sa Butuan Medical Center, 5 sa Butuan Medical Center annex, walo sa MJ Santos Hospital ning siyudad sa Butuan, duha sa DO Plaza Memorial Hospital sa Agusan del Sur, 3 sa Caraga Regional Hospital sa Surigao City ug lima sa Adela Serra Ty Memorial Medical Center sa Tandag City, Surigao del Sur.
