BUTUAN CITY- Laing magnitude 4.6 nga aftershock ang mitay-og sa amihanan sa kapital nga Caracas niadtong Lunes sa buntag (oras sa Venezuela).
Nasayran nga nunot kini sa kani-adto duha ka kusog nga lindol nga ming-igo sa nasud.
Sumala sa mga awtoridad, walay natalang bag-ong kadaot gikan sa aftershock.
Padayon usab ang halapad nga search and rescue operations sa mga apektadong lugar, hilabi na sa La Guaira, kansa usa sa labing naapektuhan sa linog.
Base sa taho ming-abot na sa dul-an 1,500 ka-tao ang namatay, samtang daghan pa gihapon ang nawala ug padayon nga gipangita sa mga nahugno nga building gusali.
Mingdaghan usab ang tabang gikan sa ubang nasud. Kapin 24 na ka nasud ang nagpadala og mga rescue teams, pagkaon, ug uban pang supplies aron makatabang sa Venezuela.
Gawas niini usa ka 21-anyos nga lalaki usab ang naluwas sa mga rescuer ilawom sa nahugno nga building human ang kapin 106 ka oras nga pagpangita.
Gihimo ang malampusong rescue operation sa tabang sa mga team gikan Venezuela, Mexico, ug El Salvador.
