BUTUAN CITY– Subling nakatala og duha ka local transmission sa kaso sa Coronavirus Disease 2019 (COVID-19) ang dakbayan sa Butuan base sa pagkumpirma kagabii ni Department of Health kon DOH Center for Health Development- Caraga atol sa online press briefing.
Sumala ni Dr. Jose Llacuna Jr. Regional Director sa DOH-Caraga, wala’y travel history ingon man exposure sa COVID-19 patient ang duha nga apil sa 17 ka mga RT-PCR results nga nagpositibo sa coronavirus kondiin upat niini ang follow-up test sa una nang kumpirmadong positibong kaso.
Tungod niini, 13 ka mga bag-ong kaso sa COVID-19 sa Caraga Region ang nadugang ning rehiyon hinungdan nga misaka pa sa 215 ang atong total confirmed COVID-19 cases.
Sa bag-ong mga kaso, lima ang naggikan sa Butuan City nga gikan sa Barangay Buhangin, Golden Ribbon, Ong Yui, Villa Kananga ug Ambago.
Nakatala usab og upat ka kaso ang Agusan Del Norte pinaagi sa mga lungsod niini nga Tubay ug Nasipit nga dunay tag-usa ka kaso ug duha sa Santiago.
Nakatala usab og tag-usa ang mga lungsod sa Esperanza ,Talacogon ug Trento sa Agusan del Sur samtang usa ka kaso sa Madrid, Surigao Del Sur.
Sa 13 ka bag-ong kaso, 11 niini ang mga Locally Stranded Individuals (LSIs) samtang 2 mao ang natalang local transmission kondiin pulos asymptomatic ang mga pasyente gawas lang sa usa nga symptomatic kinsa na-admit karon sa Southern Philippines Medical Center sa Davao City.
Sa maong ihap usab 8 ang lalaki samtang 5 ang babae nga anaa sa edad nga 30 hangtud 40 anyos.
Sa 215 ka mga positive cases sa sakit ning rehiyon 117 na kanila ang nakarekober
