BUTUAN CITY – Aminado si Rico Udarbe, dispatcher sa Bachelor Express Incorporated kon BEI nga daghan ang mga pasaherong midagsa karon sa Langihan Premium Terminal rason nga medyo hurot-hurot ang ilang unit.
Kini ilabina sa mga biyahe sa rutang Butuan City- Las Nieves sa Agusandel Norte ug Loreto sa Agusandel Sur.
Sa eksklusibong pakighinabi sa Bombo Radyo Butuan, gipadayag ni Udarbe nga nalangay-langay gayod ang pagpa-uli sa mga pasahero tungod kay kinahanglan pa man nilang maghulat sa laing yunit tungod kay mas duol man karon ang gintang sa iyang biyahe kada-pila ka minutos sukwahi niadtong regular nga mga adlaw nga tag-tunga sa oras ug usahay usa ka oras.
Last trip matud pa nila sa rutang Butuan to Surigao ug vice versa ingon man padulong sa Cagayan de Oro City ug vice versa, karong alas-siete sa gabii ug ugma usab sa alas-siete sa buntag ang first trip.
